11 月 12, 2019
Breaking News

Sign in

Sign up

  • Home
  • 飲食
  • 【食評】2017 都要推介!韓燒 + 放題  得獎店舖 Running 燒

【食評】2017 都要推介!韓燒 + 放題  得獎店舖 Running 燒

By AK仔 on 2 月 15, 2017
0 166 Views

情人節,難得可以早收工,其實係一件值得感恩的事。今日呢,AK 仔就帶女朋友來到旺角一間韓國餐廳 – Running 燒,在冰凍嘅天氣下,享受熱騰騰嘅韓國燒烤。事實上,AK 仔本來完全無諗過,最後會決定嚟呢度食韓燒。話說早幾日 AK 仔趁住有時間,上網睇下果堆「乜乜乜情人節必食推介」之類嘅文章,發現大部分介紹嘅,都係西餐廳,不特止,仲要一係 full booking,一係貴到出汁,食完之後,荷包會痛。呢個時候,當然唯有出動公認嘅搵食神器 OpenRice,既然西餐廳咁受歡迎,或者韓燒果啲會相對少人些吧?無意中,就揀中呢間 Running 燒,而且仲要有位,AK 仔當然就唔講咁多,拿拿聲 book 左先啦!
預訂嘅過程相當順利,店員一開始就好清楚地同 AK 仔講,情人節會跟星期五六日公眾假期嘅價錢,AK 仔心諗,咁其實都係合理嘅,至少好過某些餐廳咁,趁住情人節大幅加價。而店員的態度亦都相當友善同有耐性,一開始我係 book 9 點,後來諗諗下,又再問如果早左到,例如 8 點半左右,會唔會有位,店員都不厭其煩地幫 AK 仔 check,呢樣我覺得雖然係小事,但都係抵讚嘅!
情人節收貴少少,跟星期五六日公眾假期嘅價錢,就好似 AK book 8 點半咁,就即係 $248 / 人,未計加一,而用膳時間為 2 小時。唔講唔知,原來 Running 燒仲得到過「新假期週刊食店大獎 2016 – 必吃韓菜」獎項,係咪真係咁好味?食過就知。
一去到果陣,店員都好有禮貌咁同 AK 講,而家仲清緊枱,或者可以喺門口坐下等陣。
終於入到去,環境嘅佈置有啲似 AK 仔之前韓國食果間咁,唔講我仲以為去左韓國。
一開波店員先呈上前菜,都係例牌果幾味,有泡菜、芽菜等等。
雖然得兩個人,但我哋都叫左唔少嘢食。
有肥牛、豬耳、雞翼、腸仔等。當中的雞翼,AK 仔稍嫌有點唔入味,食落去會覺得有點無味。
心形嘅芝士腸,你見過未?我見過,我真係見過,確實好應景。
我哋亦都叫左一啲海產類的食物,好似帶子、扇貝、龍脷柳魚等等,其實都相當好味,主要係扇貝會食到有唔少沙,影響食果陣嘅感覺。
除左生食之外,亦都有一些熟食可以叫,例如炸雞、餃子等等。
不過可能人手不足,加上食客較多,等左好耐都唔見有人主動執枱。
去到最後每人可以揀一款甜品,AK 仔揀左支香蕉雪條,而女朋友就揀左碗香芋西米露。
最後埋單,兩個人連加一,總共 $546
短評
咁好老實,韓燒好唔好食,其實都係要視乎烹調者的手藝,所以燒完唔好食,有 8 成機率係你嘅問題。真係要 AK 仔評,我會從入唔入味、新唔新鮮去講,比較值得推薦的,AK 仔會覺得係五花腩,配合 AK 仔精湛的手藝,簡直係色、香、味俱全,令我很滿意。然而剛才都提到,除左扇貝有沙之外,雞翼亦都似乎有點唔入味,入口果下有少少味,咬落去就淡而無味,如果平時唔係咁嘅話,就似乎師傅今次有點失手了。不過,整體來說 Running 燒環境不錯,店員服務態度良好,食物都算乾淨,10 分滿分嘅話,我會俾 8 分。
地址:九龍旺角彌敦道 726 號 9 樓 (旺角站 B1 出口行一分鐘)
支持請讚好 Facebook 專頁: AK 有話兒

Leave a comment

發佈留言必須填寫的電子郵件地址不會公開。 必填欄位標示為 *