11 月 12, 2019
Breaking News

Sign in

Sign up

  • Home
  • 飲食
  • 【食評】 大埔區 OpenRice 熱門餐廳 – 八妹雞煲,係咪真滋味?

【食評】 大埔區 OpenRice 熱門餐廳 – 八妹雞煲,係咪真滋味?

By AK仔 on 5 月 8, 2017
0 169 Views

剛剛過去的星期六,收工收晏左,於是乎 AK 仔就同女朋友講,不如過來大埔食吧!接唔到佢收工,又要佢過來大埔食,咁點都要識做啲,拿拿聲上 OpenRice 睇下大埔有乜好嘢食。一 search 大埔,按評分排序,就被排行第二位的「八妹雞煲」吸引住 (咁啱想打邊爐之類),見到顯示為 OpenRice 入圍熱店,睇落應該都無大伏,就決定去呢間食雞煲。
空間太少,食雞煲稍嫌不足
時間為晚上 7 時許左右,去到人唔算多,基本上唔使點等,就有位了。有件事真係令 AK 仔哭笑不得,無錯我哋係得兩丁友,但食雞煲都無理由俾張 2 人位就算吧?唔係唔得,係逼左少少咁囉。不過算,唔緊要,反正隔離有架餐車,都勉強可以放到食物,好小事。
食物質素可以接受,入味,唯雞肉不夠嫩滑
AK 仔先叫了半隻麻辣雞煲,然後再叫左一些火鍋食物,例如肥牛、生菜等等,另外再叫多一包公仔面同埋一酌竹庶水,兩個人食,係咁上下,基本上都夠飽。至於好唔好食,見仁見智,雞煲辣味充足,啲麻辣汁好入味,不過就感覺啲雞唔夠滑,咬落口無果種好嫩的感覺。食完雞,就可以倒啲雞湯落去打邊爐,火鍋配料正正常常,無乜太大特別,食完呢餐,盛惠 $382

▲ 一坐低店員就叫我哋叫左雞煲先,因為製作需時。AK 仔就叫左麻辣雞煲半隻,基本上雞煲一來到,就食得。


▲ 食還食,食之前都係要影番張相先得,當係一個留念都好!


▲ 雪花肥牛。


▲ 豬肚、出前一丁。


▲ 生菜。


▲ AK 仔個人覺得,碟牛雖然唔平,成舊水,但都算幾好食。


最後埋單兩個人共 $382。(佢哋落單計多左 $1 膠袋,最後佢哋退番俾我)


小結AK 仔個人覺得,其實八妹雞煲似乎並沒有想像中咁特別,係咪真係好味到足以成為 OpenRice 「入圍熱店」呢?AK 仔就覺得係名多於實。其實呢餐食雞煲體驗感覺純屬一般,唔係因為食物問題,而是服務的問題。AK 仔坐的桌子細,都無可避免,可以忍受到的。AK 仔座位背後係抽屜,最令人不快的是職員多次打開抽屜,撞到我的椅背,但絲毫表示都無,我會覺得這是有點難忍受的。如果講聲「唔好意思」,或者「唔該借借」,這樣對客人來說,心情都會好些。
支持請讚好 Facebook 專頁: AK 有話兒

Leave a comment

發佈留言必須填寫的電子郵件地址不會公開。 必填欄位標示為 *