11 月 12, 2019
Breaking News

Sign in

Sign up

  • Home
  • 飲食
  • 九龍灣老夫子港式餐廳首日試業!可能是香港 No.1 食後感!?

九龍灣老夫子港式餐廳首日試業!可能是香港 No.1 食後感!?

By AK仔 on 10 月 1, 2018
0 283 Views

唔知有幾多人同 AK 仔一樣,細細個都好鍾意睇老夫子漫畫? 係啊,雖然我係 90 後青年,但唔記得係咩原因,屋企會有老夫子漫畫,間唔中拎嚟睇下睇下,覺得幾有趣慢慢就愛上了。早兩年前曾經去過太子的一間以老夫子為主題的餐廳,不過係一間西餐廳,同老夫子有點格格不入,而且又貴。而今日剛巧同未婚妻去婚展,走果陣見到居然開咗間老夫子港式餐廳,而又聽說今日 (30/9)係佢哋首日試業,所以就決定來試食一下。
老夫子(Facebook)
似乎有好多人都有同 AK 仔一樣的疑問:其實呢間位於九龍灣國際展貿中心的老夫子港式餐廳,同我之前試食過太子果間西餐廳,係唔係同一個集團嚟?而職業病驅使我食完嘢同店員 R 水吹,得知佢哋同太子果間,係完全沒有關係。另外,原來今日係佢哋第一日試業,AK 仔問及會否邀請傳媒朋友作採訪,佢哋表示等正式開業後,先會再作邀請,不過現階段幾時正式開業,則尚未確定。而 AK 仔會唔會係第一個寫呢間餐廳的食後感呢?可能係!
先俾大家睇下個環境係點先:

▲ 唔講咁多,直接睇片望下個環境點啦!

睇完個環境,當然要睇埋食物質素如何啦!

餐牌

咁上面個餐牌都見到,店主推介無骨海南雞套餐,而鍾意食雞的我,當然會揀佢啦!點知剛巧未婚妻又係愛食雞之人,但又廢事同我撞海南雞飯,所以就揀咗咖哩雞飯。今舖真係:雞~全部都係雞~全部都係雞~♪♪♪
好老實講句,咖喱雞本身俾咖喱覆蓋咗原味,你放落口主要都係食到咖喱味,好難話評論啲乜,只能說啲咖喱汁確實係幾香嘅~而我最想分享的,係我叫果個海南雞飯套餐,味道算係唔錯,然而海南雞的肉就稍為偏「諧」,呢點 AK 仔都口多同佢哋反映過,佢哋表示會同廚房講下喎~希望之後會有待改善啦!
服務態度
又老實講句,服務態度呢方面真係有待觀察,AK 仔的第一印象,未必一定能夠作準。點解?因為而家係試業嘛,又無乜人知道間餐廳,我去食果陣太早又無乜人,所以佢哋服務態度好啲,好合理架喎~又好笑容,又好好傾,成餐飯食得係 enjoy 嘅,呢點好重要。
不過,之後多人啲,佢哋又能唔能夠保持到而家嘅水準同 friendly 嘅感覺呢?就由大家試完話返俾 AK 仔聽!
IMG_0006
▲ 兩個套餐,total $139 埋單,唔算貴。
老夫子港式餐廳詳情
地址: 九龍灣國際展貿中心 2 樓 18 號舖
支持請讚好 Facebook 專頁: AK 有話兒

Leave a comment

發佈留言必須填寫的電子郵件地址不會公開。 必填欄位標示為 *